مشتريات .. و شرح لباترن جميل

.
.
السلام عليكم و رحمة الله و بركاته
يوم مو زي كل الأيام
مطر .. يكفي نسمع صوت زخاته
و نشوف الدنيا بنظرة هادئة جميلة
غالبا يكون يوم الجمعه شوي عجأة و زحمة و وقت ضيق
بس اليوم الكل كان مسترخي و مبتسم
و كلنا اشتركنا في هذه العبارة .. ما أحلى الجو اليوم
الحمد لك يا حنان يا منان .. أنعمت علينا بيوم زي كذا
.
ست الحبايب .. أمي حبيبة قلبي
وصلت لرياض من يومين
و من جمال الجو اليوم قررنا نطلع أنا وهي مع بعض
لوحدنا .. نتسوق و نروح لكوفي شوب و نتسلى
انبسطنا كثيرررر بالرغم من إنها حبيبة قلبي تعبت شويات من ركبتها
.
اثناء تسوقنا في حياة مول
عدينا على الدانوب
و لقيت عنده شغله حبيتها كثير و أخذتها من غير تردد
طبعا هي مناسبة لغرفة عندي عاملتها كانتري
فكنت محتاجة لإكسسوارات جدارية تكون فينتج
و هذا كان عز الطلب
طبعا ما يناسب أي مكان .. فقط المكان المعمول على الطراز الريفي
القطعه أخذتها بــ 120 شغلة زي كذا .. مو أكثر
هي عبارة عن ميل بوكس قديم
شكله على الجدار جدااااا رائع
طبعا يفتح عادي .. شوفوا كيف
.
.
الشغله الثانية أخذتها من محل أول مره أتعامل معاه
أنا كثيررر ضعيفه أمام معطرات البيت بكل أشكالها
المحل اسمه دورانس
Durance
البائع يقول انه اسم المحل … على اسم نهر في فرنسا
و إنه 95٪ من مكونات منتجاتهم طبيعيه
أخذت بخاخ معطر للبيت برائحة الشاي الأبيض .. بــ 105 ريال
و كمان فواحة بنفس الرائحه بــ 175 ريال .. و قابلة لتعبئه
يعني وقت ما يخلص روحي لهم و أعيدي التعبئه من عندهم بأي رائحه تحبيها
هنا شكل الفواحة
طبعا هذا النوع من الفوحات جدااا جميل
جربته قبل بس من شركة بوتري بارن
راح أشوف مع الوقت إذا هذا النوع ممتاز أو لا
المحل تحصلوه مقابل لصيدلية وايتس في حياة مول
.
.
الشغلة الثالثة وصلتني من أمريكا
هي واصلة من زمااااااان بس استلمتها من يومين
هو كتاب بترونات
اللي شفته فيه جدااااا رائع و جميل
بس إلى الآن ما طبقت منه شيء فما أقدر أحكم عليه
بس تقييمه عالي بالأمازون
حبيت موديلات البلانكت فيه
هنا رابط الكتاب في الأمازون
http://www.amazon.com/Unexpected-Afghans-Innovative-Traditional-Techniques/dp/159668299X/ref=sr_1_2?s=books&ie=UTF8&qid=1367020880&sr=1-2&keywords=afghan+blanket
.
الآن حابه أشرح باترن رائع اسمه
ZIG ZAG PATTERN
استخدمته قبل في عمل بطانيات …شوفوا معاي
.
.
لعمل بطانية مقاساتها 75سم * 83 سم
اعملي سلسله من 226 حلقة .. و حاولي تكون مرخية مو مشدودة
:::
الصف الأول
اعملي عامود في رابع سلسلة من السنارة
* ثم  اعملي عامود في الــ 10 سلاسل التاليه
تجاهلي الأربع سلاسل التاليه ” اتركيهم
و اعملي بعدهم غرزة عامود في 12 سلسله*
اعملي 3 سلاسل .. ثم عامود في الــ 12 سلسله التالية*
كرري من * إلى*
:::
الصف الثاني
ارتفعي 3 سلاسل .. ثم اعمل عامود في العامود الأول
ثم 2 عامود في الغرزة التالية
ثم عامود في الــ 8 غرز التالية
*تجاهلي الــ 4 غرز التالية
ثم اعملي عامود في كل غرزة من الــ 10غرز التالية
ثم اعملي عامودين في حلقة السلاسل الثلاث
ثم 3 سلاسل … ثم عامودين في نفس المكان
ثم اعملي عامود في كل غرزه من الغرز العشر التاليه*
.. و هكذا
كرري  طريقة عمل الصف الثاني من * إلى * … في آخر ارتفاع
ستعملين عامود في 8 غرز .. ثم عامودين في كلا من آخر غرزتين
و هنا المصدر الأساسي للباترن
http://www.garnstudio.com/lang/us/pattern.php?id=3886&lang=us

 

و بكذا انتهت تدوينتي لهذا اليوم
ألقاكم على خير بإذن الله
جلّوز