سحر الشرق … ⓛⓞⓥⓔ

السلام عليكم و رحمة الله و بركاته
حنين ..  و حب لتراثنا و شرقيتنا دفعني لكتابة هذه التدوينه البسيطة
التراث الشرقي .. و العبق الأصيل
له سحر و جمال خاص … و غموض
لما يتواجد بأي مكان .. بيكون له أثر  و بصمه مختلفة و مميزة
مهما نروح و نسافر و نشوف .. يظل للمكان الشرقي حنين خاص
و عشق مختلف
على بساط أحمدي راح أعطي مثال بسيط
مهما نروح لمطاعم بالرياض و نأكل أصناف عالميه و مختلفة
يظل للقرية النجدية طعم ثاني
و الجلسه الأرضية و الطين من حوالينا سحر ثاني
دائما و أبدا .. راح يكون الحنين للجذور متأصل فينا !
.
اللي راح أحكي عنه هو تقديرنا لأصولنا الشرقيه
و افتخارنا بها >>> في مجال الديكور طبعا هذا مجال حديثي
و الكلام راح يكون للي يحبوا الطراز الغربي بكل أشكاله
مو مشكله إنه تأثثوا أي مكان خاص فيكم بأثاث مودرن
أو كلاسيك .. أو نيو كلاسيك .. إلخ
بس المهم تضيفوا للمكان لمسه شرقيه
.
هذا الشيء حبيته كثير في تركيا
أي مكان نزوره نشوف الأثاث أوروبي بحت … بس لمستهم الخاصة لسه موجودة
و تراثهم حاضر معاهم 🙂
.
هنا صور راح توضح اللي أنا أحكي عنه
من الأشياء اللي تعطي لمسه شرقيه جميلة للمكان
البف المغربي
.
السجاد الشرقي بيعطي تأثير قوي على المكان
و مثل هذا النوع من السجاد ما راح نحصلة بأي مكان
فيه أماكن خاصة بالسجاد المغزول يدويا
أو في بوتري بارن .. و كمان في أيكيا
.
.
.
الإضائات .. النحاسية و المعدنية المخرمه
شكل اعتمدته كثيرررر من شركات الأثاث العالمية
.
.
فيه كمان الطاولات الجانبية أو طاولات القهوة
أكيد ما راح أقول كل الطاولات نخليها شرقية
ممكن طاولة أو طاولتين .. ندمجهم مع المكان
و ما ننسى تأثير التحف الشرقية .. فخارية ، معدنية .. أو زجاجية
.
.
.
.
.
.
في منزلي الشخصي
حبيت إنه يكون عندي مكان شرقي أندلُسي
يكون شيء أقتنيه .. و ما أغيره أبداااا بإذن الله
ممكن أجدد في اللون أو القماش
بس كأثاث لا
أتذكر إنه دورنا و لفينا .. و تعقدنا و بطلنا نأثث
و بعدين تعوذنا من الشيطان و رجعنا ندور 🙂
و بالأخير لقينا المحل المناسب … اسمه نقوش المنزل
موجود على العروبة
أي نعم سعره مرتفع .. بس تطبيقة فوق الخيال
عملنا صالة الإستقبال عنده … و الفترة الأخيرة دمجنا معاها كم كرسي و كنبه
نشوف سوى
بسم الله

 

القماش تبع الكنب جدااااا عملي جددنا القماش من سنتين
من محل اسمه … المسار لديكور موجود بالعروبة
أها … على فكره ترى هذا الأثاث له تقريبا عندنا  5 سنين
و عقبال الميه إن شاء الله … و تتوارثه الأجيال 🙂
العناية بالخشب مو صعبة .. بليدج و منفظة و السلام
بس كل سنتين تقريبا لازم نسوي صيانه للخشب
الأشياء المتكسره و المتصدعه نصلحها في ورشة ثقة
.
هنا جزء احتجنا له مع الوقت و دمجناه مع صالة الإستقبال
و لا أحد يعللللق على اللوحة بليزززز
ترى عقدوني بعض الناس >> أخوها و زوجها و صديقتها ههههه ما بقي أحد
و الله عاجبتني 🙂
.
.
هذا كل شيء تقريبا
بس بالأخير حابة أشارككم بأبيات أعشقها للمتنبي
خذ ما تراه و دع شيئا سمعت به   ..   في طلعة البدر ما يغنيك عن زحل
و الهجر أقتل لي مما أراقبه  ..     أنا الغريق فما خوفي من البلل
.
.
فيه أحد زيي يتمنى يعيش في ذاك الزمن
بشر و عالم غير
الرجال .. عقل و روح و شهامة
و النساء .. حكمة و جمال و رزانه
و إحنا نعيش في زمن الزمبليطة
و أقنعة هنا و هناك
.
.
استغفر الله العظيم من كل ذنب عظيم
مع حبي
جلّوز