السلام عليكم و رحمة الله و بركاته

وقفة جديدة في عالم التصميم الداخلي

راح نحكي ببساطة عن اتجاه التصميم الداخلي لعامي 2013 و 2014

بجد حبيته كثيررررر  ♥.♥ …  الآن راح أعرض لكم المفاتيح الأساسية لهذا الإتجاه

.

اللون الأصفر .. The Yellow Color  

يب اللون الأصفر راح يكون طاغي و موجود بشكل كبير

المصممين العالمين يقولوا

Yellow is the new Pink

أكيد اضافة الأصفر راح تعطي لمسة مشرقة للمكان .. بس بليز لمسة أصفر

علشان ما يكون المكان أوفر

♥

.

نقشات الأقمشة .. The Pattern

الإتجاة الجديد في باترن الأقمشة راح يكون عبارة عن

أرضية بيضاء أو خلفيه بيضاء

و عليها ورود كبيرة أو صغيرة أو نقوش .. بس الأبيض هو الأساس

 

 

كمان في مجال الباترن و الأقمشة

 ♥ الإتجاة الجديد بجد ماله حدود .. و بيشجع دمج الأقمشه مع بعض

يعني ممكن ندمج المشجر مع المقلم مع المنقط … إلخ

شيء جريء … تماما مثل اختيار اللون الأصفر كلون أساسي في هذا الإتجاه

♥

♥

الفولكلور الأفريقي .. African Folklore

راح تكون اللمسة الأفريقية موجودة … بألوانها و نقوشها

بمعنى راح تنتشر الألوان الدافئة من جديد .. راح يكون فيه استخدام كبير للأقمشة الجلدية

و الخامات الطبيعه و الخشب و الفخار

و كمان التراث المكسيكي راح يتواجد في الديكور

دفء .. يا عيني دفء

انبسطت كثير بهذا الشيء .. لأنه خلاص المودرن راح نبتعد عنه شويات

بالنسبة لي أشوف المودرن شيء بارد و حزين

أعرف الكل يحبه … بس أنا مررره ما حبيته للأسف

 

♥

♥

اللمسة .. The Touch

المقصود ملمس الأشياء ضروري يكون بارز و ملموس

في كل شيء .. أقمشة ، جدران ، لوحات ، سجاد .. إلخ

و من هنا نستشف إنه عصر المخمل الناعم ولى .. و التفته كمان ولت .. و أخيرا 🙂

الجدران ضروري يكون الفاينال تتش فيها خشن نوعا ما

و هذا الشيء معروف كثير في الطراز المكسيكي

كمان راح يكون فيه استخدام كبيرررر للمعدن و الخشب زي ما ذكرت سابقا

♥

♥

الحياكة اليدوية 

الآن الإنتصااااااااار الكبير لنا .. نحن الحرفيات

OH YEAH .. OH YEAH .. OH YEAH .. OH YEAH

♥.♥

فيه عودة كبيرررررة لإستخدام القطع المحاكة يدويا في التصميم الداخلي

كروشية .. تريكو .. تطريز

OH YEAH .. ههههههههههه

يعني بليز أي قطعة مشغولة يدويا .. تشع بالإيجابيه

و لها نظرتها الخاصة .. و أتمنى تحصل على تقديرها الحقيقي

 المصممين الكبار المعروفين أبدوا اعجابهم الكبير بالإبداع اليدوي

اللي شافوه في مواقع التسوق  Etsy و eBay

و استلهموا منهم هذا الشيء .. و قدروا القطع المحاكة يدويا

علشان كذا حنشوفها كثيرررر في تصاميمهم

♥

♥

المقلم الجريء ..The Bold Stripes 

المقصود هنا التقليم بلونين حادة مع بعضهم

أسود أبيض ، أحمر أبيض ، أصفر أبيض .. إلخ

بمعنى التقليم الهادي المتدرج مع بعض انتهى

طبعا هذا الشيء ما يناسب أبدا اللي عندهم استيجماتيزم

يعني انحراف البصر .. راح تسير عيونكم على بعض

♥

♥

الإبتكار

هنا المصممين بيدعوا الناس إنهم يبتكروا .. يبحثوا عن التجديد

يعني مثلا مو تشتري كرسي و خلاص

ضروري تغير لونه .. تضيف مسامير .. تضيف شال .. إلخ

و هنا دعم و تشجيع للأشغال اليدوية ♥

كمان بيشجعوا استخدام شغلات في غير مجالها

مثلا .. بدال ما نرتب خيزران البامبوا أو أي زهور في فازة خاصة

ممكن نستخدم جيك عصير من البيت كبديل للفازة

شوفوا معاي أحد نماذج الإبتكار

♥

♥

The beauty of the un-done

المقصود فيها الأعمال اللي يكون واضح عليها إنها مصنعه يدويا

مو زي القطع المنتجه في المصانع .. بيرفكت في كل شيء

راح يكون فيه استخدام كبيرررر للقطع الفينتج

يعني مهما عملتي أي عمل .. و حسيتي مثلا إنه الدهان مو تمام

أو القص مو بيرفكت … اعرضيه في بيتك و إنتي فخورة

♥

♥

farm and city merging .. الدمج بين المزرعة و المدينه 

راح يكون فيه غزو جميل لنباتات الطبيعه داخل المنازل

يا سلام فيه أحلى من كذا

لاحظت إنهم طبقوا فكره بشكل كبير .. إنه الجدار كامل يكون مغطى بالنبات

شكله جدا رائع … بس ما أدري عملي أو لا ؟

ممكن يمشي الحال لو كان النبات صناعي … مع إني ما أحبذه أبدا

و كمان في استخدام كبير للنباتات داخل فازات الزجاج اللي على شكل ناقوس

♥

♥

الإسكتشات اليدوية  و أعمال الجرافيك … Graphic Work and Sketches 

أول شيء لازم نعرف معنى الإسكتش  .. و هنا شرح كامل له

http://ar.wikipedia.org/wiki/إسكتش

و كمان الجرافيك هنا شرح كامل عنه 

https://ar.wikipedia.org/wiki/رسوميات

إذا أي لوحة جدارية فيها أحد هالفنين … راح يكون مرحب به

يعجبني تطبيق الجرافيك على الخشب .. قريب لنفس كثير

و كمان اللي يكون على شكل عبارة مصممه من الخشب

راح تفهموا قصدي من الصورتين الجايه

 

♥

♥

OMG

و أخيرااااا خلصت

طيب اش رأيكم … الإتجاه الجديد رائع أو لا ؟

حبيته كثير .. لأنه بيدعم الفئة اللي أنا منها ” الحرفيين

حبيته لأنه بيشجع استغلال كل شيء حولنا

حبيته لأنه بيعتمد على الثقافات القديمة و الأصيلة

يا رب أعجبكم زي ما أعجبني

يهمني رأيكم

ألقاكم على 1000 خير إن شاء الله

جلّوز